汪圓圓姐夫打得加讚唔敢亂嚟
「玩具大王」蔡志明一家是虔誠基督徒，前晚蔡太蔡李惠莉為支持福音電影而包場大請親朋兼未來新抱汪圓圓撐場。圓圓大讚加讚是個好男友外，更笑謂如加讚對她不好，姐夫甄子丹隨時會幫手教訓他。
蔡李惠莉是熱心教徒，前晚她在戲院包了一場福音電影，蔡志明、女兒蔡加敏、兒子蔡加讚及女友汪圓圓、好友「鯊魚女」陳細潔、蔣麗萍等百忙中抽空捧場。
父母未催婚
加讚與圓圓拍拖到場，加讚表示每逢有家庭活動也會預圓圓，感情如此要好，問到父母有否催婚？加讚笑言：「冇，佢哋係潮啲嘅父母，唔會逼我哋，順其自然，最緊要我哋開心。」圓圓大讚加讚是個好男友，又指對方的父母對她很照顧，加讚插口說：「佢哋好鍾意圓圓。」圓圓即補充：「我嘅父母都好鍾意你（加讚）。」至於加讚是否過了圓圓姐夫甄子丹一關？加讚坦言：「佢個人好nice，同佢相處完全無壓力，我哋好好傾。（有冇話你對圓圓唔好，就一拳打你上宇宙？）如果唔好，我塊面已經有一撻。」圓圓笑謂：「姐夫唔會咁講，已經出咗手打佢。」
資助製作費
另外，蔡太透露之前看了該電影的首映，令她大受感動及震撼，故此包了一場，共320個座位，讓身邊好友及教會兄弟姐妹也可以欣賞，她說：「我之前已經睇咗兩次，呢部係紀錄片，有香港人參與找尋挪亞方舟。（你有冇興趣跟去探險？）呢啲好難，好有危險性。（會唔會自資拍第三輯？）都會有啲捐獻，因為製作單位嘅經費好少。」
文：名人組