古巨基紅館娶Lorraine
古巨基前晚舉行個唱尾場，再被歌迷逼婚，他笑言已預備律師及牧師，歌迷們即歡呼和應，又說緋聞助手女友Lorraine粉絲比他多，要簽對方做歌手力捧！
古巨基一連三晚的紅館演唱會前晚結束，周慧敏、唱片公司高層霍汶希（Mani）及吳雨等現身撐場。基仔於台上再度被歌迷催婚，他笑言：「其實好少人喺演唱會結婚，我預備咗律師同牧師喺後面！」歌迷聽畢即不停歡呼和應，但基仔表示只是開玩笑。到答謝環節時，歌迷又大叫其緋聞助手女友Lorraine名字，基仔說：「又係你哋搞嘢！係要多謝嘅，我發覺Lorraine仲多fans過我，佢好紅咩？我要簽佢出唱片！」最後基仔兩度Encore至十一時三十五分完場。
力捧女友做歌手
至慶功訪問時仍未見Lorraine蹤影，基仔解釋因她要幫忙清理物品。提到要簽Lorraine當歌手，基仔說：「佢咁紅，我諗住捧佢做歌手！佢唱歌就……冇我咁好，有進步空間。（佢成日唱歌你聽？）唔係，不過有聽過！」
周慧敏信以為真
對於結婚問題，基仔繼續表示：「如果世界唔末日就考慮婚姻嘅問題。」又言Lorraine怕面對鏡頭：「佢話冇化妝，睇報紙見到出舊相都講『影到我咁嘅？』我同佢講，一係今日（前晚）你化行妝畀大家影，以後就會出嗰張相，但佢始終怕鏡頭！」而Mani更踢爆捧場的周慧敏聽到基仔謂已預備律師時，都信以為真！
文：音樂組