蔡少芬帶埋囡囡同鄧萃雯鬥戲

無要求加人工

蔡少芬表示未生女前已跟無綫簽了三部劇，並指如果《金2》是40集，已當完成兩部劇的合約。據知《金2》將到北京等地拍攝外景，問到如何照顧女兒？她說：「帶埋佢去囉！個女又未讀書！不過我尋日入嚟拍部分片段時，個女都喊咗兩個鐘，我老公傳咗張相我睇都好心痛，但亦好開心，證明個女冇咗我唔得！不過，我唔可以唔做嘢，呢啲情況我都要經歷！（有冇被挖角？）未生前已簽約，我唔會因為挖角而乘機向無綫要求加人工！」

上集主角林保怡與佘詩曼會否參演屬未知數，但陳豪指二人缺一不可：「希望個劇可以延續到個勢，我冇壓力！」而雯女被問有否調整薪金時，她說：「我唔係外援，我唔信會再調整，做嘢唔係講錢嘅。（王維基有冇搵你？）冇，合約係商業秘密。」

蔡少芬昨日在微博上載寶貝女套着尿布袋的趣致相片。

葉翠翠有份拍攝《金２》的巡禮。