Popper88爆祖藍天生反串格

王祖藍表弟Popper88（李俊華）最近參加亞視跳舞節目《亞洲星光大道4跳舞吧！》，希望宣揚跳舞freestyle文化：「香港好少呢類比賽，多謝亞視提供平台畀我哋發揮，要同唔同『舞』種嘅人較量，感覺好得意！（有信心贏？）有，但都要睇賽制。」

受罰搽唇膏

有祖藍這個表哥，Popper88的表演欲自然也不弱，他表示11個表兄弟姐妹小時候最愛玩角色扮演，每日轉劇本轉角色：「我哋成日一齊游水、踩單車，每次都非常熱鬧，感情好好！玩遊戲輸咗要被罰搽紅唇膏，仲要落街買嘢食，男仔都要，真係好慘！」提到祖藍扮女人維妙維肖，Popper88大爆對方小學時已反串演戲，可謂三歲定八十！

王祖藍	《高手教路》Wave 手腳及身體都可輕易做出「波浪」，令人驚嘆。	Robot 化身機械人逐格舞，每格都「定力」十足。

盼政府正視

貴為星級導師的Popper88曾到法國、新加坡及台灣參賽，亦在內地打入Popper十六強，威水史多籮籮！他表示當年受米高積遜（MJ）影響而學舞，但習舞10年多的過程並非一帆風順，在街上跳舞曾被保安驅趕，因此他希望外界正視街舞文化：「跳街舞都可以好健康好專業，總好過落Disco吸毒！亦都覺得政府支持唔夠，往往都係有人攞獎後先話支持。」

文：立影

攝：倪立煌