焦媛主動咀嫩「草」
焦媛與新進舞台劇帥哥金草合作舞台劇，面對比自己年幼兼高大俊朗的金草，焦媛坦言在親熱戲時會採取主動，才可避免對方感到尷尬。
舞台劇演員焦媛，將聯同內地演員金草演出舞台劇《Miss杜十娘》。金草○六年上海戲劇學院畢業，在上海有電視演出經驗，到○八年再到香港演藝學院攻讀碩士畢業。一臉帥氣身高六呎一吋的金草，獲焦媛一致很高評價，她說：「佢外形上贏晒啦，演藝學院啲師兄師弟，我見過嘅都無乜邊個夠佢咁高，外形上佢好有優勢，同埋綵排時發覺佢係好容易溝通，呢樣做演員好重要。」
首次合作坦言好緊張
至於金草則表示對焦媛有一種舞台劇女王的感覺，他說：「其實之前我同佢唔認識，但我都有睇過佢嘅演出，仲成日出街見到佢唔同演出嘅海報，覺得佢好勁。佢一年原來做到十幾部演出，好厲害。今次有機會同佢合作真係好緊張，因為佢喺香港做咗咁多年，經驗相當豐富，而我都只係新人一名。」
親熱戲焦媛派定心丸
首次合作演出感情戲時難免有點尷尬，幸好焦媛事前已向金草大派定心丸，她說：「因為親熱戲份男演員一定會比女演員尷尬，因為佢哋擔心唔知女演員會點諗，但我同佢講咗我好專業，事前溝通咗演出就無問題，加上劇入面我要主動出擊，所以無問題嘅。」
文：影視組