韋雄拍拖要阿媽首肯
歌手韋雄入行三年，緋聞少之又少，早前他往北京為HiFi碟錄音，逗留當地個多月時間，問他可有趁機結識國產美女？他失望說：「冇喎，但我接受到異地戀。」至於擇偶條件，他沒有特別要求，唯一要得母親同意，因為他是極傳統的人，為了媽咪可跟女朋友分手。
韋雄和同公司的唱作歌手莊冬昕（Deal）相識多年，情同兄弟，問他可有跟好友出外結識女仔？他笑說：「冇喎，其實我同Deal好少去蒲，我哋鍾意唔同類型嘅女仔，基本上唔會出現兩兄弟爭女仔嘅情況。」
他又說和Deal相當有緣，除在加拿大同讀一間學校外，又曾一起出外參加唱歌比賽，其後各自回流香港發展，並簽同一間唱片公司而有更多合作機會，故他出席Deal的新歌發布會時，特別百感交集，更戥老友有機會出個人唱碟而開心到想喊。