吳啟華：有路梗係要走！

已將事業重心北移的吳啟華，於年前拍攝由英皇出品的《上海灘之俠醫傳奇》劇集時與石洋子結良緣，在誕下女兒後令家庭更幸福美滿。啟華透露兩人於劇中並未有對手戲，但石洋子就經常在他面前出現，他說：「佢戲份唔多，我哋都係拍完劇之後先開始了解同拍拖。」在劇中再飾演醫生的他當然駕輕就熟，不過他笑言於夏天拍攝冬季戲份令他最為辛苦：「夏天要着幾件西裝真係一路拍、一路滴汗o架！」

戲份遭刪減

吳啟華又透露因拍攝此劇而開罪無綫，他無奈地表示：「因為要趕住完成呢套劇之後就返去無綫拍《妙手仁心II》，結果無綫就將我嘅戲份減到好少！」

有意減產的啟華透露，早前推掉了王晶的電影邀約。

吳啟華與蔡少芬曾拍《俠醫傳奇》，兩人已是老拍檔。

無綫近日鬧挖角潮，啟華就以平常心看待：「好正常，佢就好似一間學校咁，好多新人都係由無綫培訓出嚟，給人挖角咪繼續培育新人囉！（人工低？）係有好大問題㗎，不過，新人咪當交學費囉！如果有第二啲出路就梗係走啦！」

內地收入勁

同時，吳啟華表示在內地拍攝一套劇集的收入已等於無綫一年人工，甚至會更多，問到他想起往事可會感到辛酸？他就語帶雙關的笑說：「唔會嘅，無綫有慣性收視，佢哋有乜所謂吖！」

此外，他坦言於亞視拍劇酬勞亦比無綫可觀得多，吳啟華：「亞視好好多，至少都均真啲，同內地嘅酬勞一樣！」

文：影視組

場地：皇家太平洋酒店堤岸酒吧及餐廳

髮型：Ryan@Beauty Tech

化妝：Jane@Beauty Tech