朱裕琳教路誓不低頭
模特兒「國產劉心悠」朱裕琳（Caroline）日前為美學中心模特兒大賽擔任評判，擁有43吋長腿的她親身上陣教後輩行貓步，獲著名時裝設計師張學潤讚好，而她亦指點師妹走路時切勿耷頭雙眼望向地下。
來自河南、有「國產劉心悠」之稱的模特兒朱裕琳，即將為其代言的美學中心模特兒大賽擔任評判，離比賽尚有一個星期，Caroline特地帶同著名時裝設計師張學潤（Nelson）齊齊為這班候選模特兒補課，教她們行貓步技巧：「我覺得眼神比較重要，女仔行路要保持眼神向上，唔好顧住望地下！」她又即席真人示範，擁有43吋長腿及33D巨咪的她，行起貓步來風姿綽約，甚有名模氣質。
放心夜蒲香港
睇完Caroline示範，Nelson亦不禁大讚：「佢行得好好，畀咗個好好嘅教材啲參賽者，其實頭先班參賽者行貓步時都有香港現今女仔行路嘅通病，就係行得唔夠直，唔夠自信！」今次比賽勝利者更有幸拍住Caroline拍攝新一輯廣告，機會難得。完成今次評判工作後，Caroline將於月尾出席萬聖節夜店慶祝活動，到時會扮鬼扮馬一番，問到怕不怕夜場有人借機抽水時，她直言毫不擔心，因為香港治安良好，可以放心狂歡！
文：專案組攝：黃叔榮