黃貫中窮得有骨氣
黃貫中（Paul）相隔逾四年再舉行演唱會及推出新碟，他笑言寧身兼三職維生，也不肯「假唱」呃歌迷，多年來錯失賺過百萬歌酬機會；他又自喻不及Beyond成員黃家強富有，故惟有繼續捱世界做窮歌手。
Paul將於本月29日假九展舉行一場演唱會，同時會推出新碟，問他相隔4、5年才有騷及新作推出，平時可有其他收入維生？他竟然說：「我咪朝早派報紙、晏晝做拆棚，夜晚咪幫人泊車囉。」其經理人則說多年來，有不少商演騷邀Paul演出，可惜全遭他推卻，白白少賺了過百萬，一臉傲氣的Paul解釋：「因為嗰啲騷全部唔係live band，要mmm（夾口形），呢方面我最渣，所以咪唔做囉。」
讚隊友撈得掂
Paul覺得做歌手要有堅持，其底線就是不可「假唱」：「就算窮，都要有骨氣。」有謂他和其餘Beyond成員黃家強及葉世榮相比，似乎只得他仍在樂壇中努力，他謂：「如果我有家強咁有錢，我都好似佢咁唔使做啦！至於世榮，佢喺大陸好掂，但如果我好似佢『咁』做，日日都有騷唱添。」
有謂他的演唱會僅開一場實難維本，Paul坦言顧慮：「如果開多場，冇人嚟睇咪死，我啲音樂只唱畀支持我嘅人聽，我唔係為取悅大眾。」Paul透露其唱片屬「加料之作」，皆因全碟收錄達七十五分鐘的歌曲，他笑說：「如果喺網上download都要成個鐘，咁煩，不如買我張碟啦。」
採訪：音樂組
化妝：Jonathan Li@Mod Academy
髮型：Niki Lee@lL Colpo
場地：SML@Time Square