洪卓立憑歌寄意唱好婆婆

Ken將於十二月推出新碟，日前他和唱片公司開會時，有同事提議他收錄一曲紀念婆婆。他說：「初時我唔係咁想，內心好大掙扎，我怕人哋誤會我抽水。但有同事講得好啱，每首歌都係記錄歌手嘅成長經歷，我接納佢嘅意見。」

雖然婆婆已過世個多月，但Ken每次講起至疼錫他的婆婆時，仍流露傷感眼神。問可擔心錄音時會痛哭？他苦笑說：「會o架！所以首歌唔會太傷感，係正面啲去講生離死別嘅無奈。」

每當提起去世婆婆，洪卓立都流露傷感神情。

外表稚氣的洪卓立，其實思想很成熟。

珍惜家人

Ken以前因工作關係，忽略了婆婆和媽媽，但自婆婆去世後，明白到幸福並非必然，當擁有時要好好珍惜，故現時他一有空就返深圳陪伴家人。他說：「以前半年都唔返屋企一次，依家一個月都返三次，要多啲陪伴外公。」

談及新碟，Ken為了脫離孩子氣，除以較成熟的造型影封套外，亦多參與幕後製作，並與師弟洪杰拍住上。他笑言：「雖然洪杰話就話係我師弟，但其實佢係我聲樂老師，因為洪杰嘅音樂造詣好高。」

採訪：音樂組　髮型：Mike@P.O.P Hairdressing

化妝：Sherman@Love Cosme Make Up　場地：labodega