李蘊戰四男愈玩愈high
o靚模李蘊熱愛Band Sound，經常相約師弟ParanoiD夾Band，一女戰四男，玩到十分high！已有十年打鼓經驗的李蘊，更和鼓手慶之玩到一張櫈仔兩份坐，表現親暱，未知李蘊的魔術師男友劉謙可會呷醋？
李蘊自小熱愛打鼓，十年前拜亞洲鼓王為師學藝，日前她相約今年正式加入樂壇的視覺系樂隊ParanoiD夾Band。雖然現場有兩套鼓，但李蘊卻主動要求和鼓手慶之一套鼓兩份打，一張櫈仔兩份坐，令怕醜的慶之不敢亂動，欣賞師姐大展身手。原來李蘊的鼓技相當了得，雖然非ParanoiD成員，但仍和其他三位成員相當合拍，笑言：「原來我哋好啱keyo架，仲愈玩愈high。」
池袋新宿演出
李蘊不諱言初次和ParanoiD見面時，曾被眾師弟的超激造型嚇親，但欣賞過他們的現場表演後，又覺得他們的音樂充滿力量，非一般嘈到拆天的搖滾噪音，難怪師弟早年已有機會到日本的池袋Cyber及新宿的Holiday公開演出，而且擁有不少女fans。
李蘊表示和ParanoiD相處後，才知四位師弟內外不一：「咪睇佢哋啲造型咁勁，其實佢哋好斯文，仲有啲怕醜添，我最佩服佢哋每次出場，都用七個鐘頭整頭，化妝真係好專業。」
超誇面妝被藐
問ParanoiD為何要七小時化妝，正職是化妝師、曾為熊黛林及Angelababy化妝的主音Gloomy說：「因為我哋啲妝唔係咁簡單，加上係我一個人化晒四個人。」問他們其五顏六色的頭髮及超誇的白面妝，可曾惹來奇異眼光？Gloomy笑說：「都有架，仲會藐你添，但奇怪有啲師奶會鍾意。」
採訪：音樂組