梁靖琪婚前獻蠢醜上癮

待嫁新娘梁靖琪（Toby）在新劇《荃加福祿壽探案》中飾演汪明荃（阿姐）的助手「惡搞」，因性格傻更更故查案時經常倒瀉籮蟹。問到與阿姐合作有否感壓力？Toby自言向來守時，故雙方合作愉快：「反而因為我少拍民初劇，畀啲文縐縐嘅對白考起。」她又自爆被「福祿壽」王祖藍、阮兆祥及李思捷的爛Gag嚇親：「我成日聽唔明佢哋講乜，畀佢哋笑我蠢！」愛拍喜劇的她揚言不介意扮醜女：「愈醜愈開心，明明唔靚就唔好扮靚！哈哈！」

未婚夫「禁肉」

將於12月6日拉埋天窗的Toby，礙於未婚夫黃敏豪「禁肉令」，婚紗僅得一套性感，姊妹團則由13位老友擔任，包括佘詩曼、郭少芸、周家蔚、湯盈盈及唐詩詠等：「佢哋各司其職，阿佘同少芸負責嘈同擋酒，盈盈就負責搞笑！」

Toby聽晒未婚夫黃敏豪話，婚後將會電視減產。	跟「福祿壽」和汪明荃（前左三）合作新劇，讓Toby（前左）猶如置身大家庭一樣。（資料圖片）	湯盈盈、佘詩曼（左一及三）都是Toby（右）的姊妹團成員。

Toby又透露因未婚夫不喜歡她拋頭露面，故婚後會減產，轉型商界女強人，而《荃》劇正是她在無綫最後一套存貨。問到會否希望攞獎當賀禮？她說：「如果咁諗就會有包袱，獎項要睇好多因素！」

文：阿彭　攝：林蔚恩

服裝：NINE WEST

髮型：Michael Lam@iHair

化妝：Stephen Lau