吳卓羲唔求做視帝

無綫藝人吳卓羲（Ron）於新劇再次飾演警員，他自信是小生中做得最多警員的一位，但坦言不感辛苦，問到會否覺得沉悶時，他即謂：「唔悶！警察都有好多唔同身份，今次喺《法證先鋒III》入面做重案組、之前《學警狙擊》做臥底、啱啱拍完嘅《ATF反恐》又有類似飛虎隊嘅成分，好大分別架！」

不過，說到近年最喜歡的角色，Ron不諱言是與鍾嘉欣合作的《抉宅男女》：「呢套劇係我呢七、八年中較鍾意嘅一部，好鍾意個角色，一個實實際際、唔望發達，但又被另一半背叛嘅男人，好多內心戲。」

捧獎隨緣

與Ron同期的林峯、黃宗澤今年皆被視為「視帝」熱門，曾獲提名的Ron一直與獎項無緣，反憑《大丫鬟》於有線奪過視帝，對此Ron表示：「我從來對獎項冇奢望過，拍劇都唔係為獎，（同期的都入五強有否不快？）冇唔開心，喺TVB都11年多，攞獎嘅嘢隨緣，唔會強求，我只想喺工作上攞到更多表現！」

提到緋聞女友張馨予，Ron直言不欲多說私人事：「咁多年嚟都傳過好多緋聞，又唔係事實，影響不大，呢個時候希望大家畀空間我認識吓朋友，（真係拍拖都唔公開？）將來結婚我會講，拍拖就唔刻意提囉！做藝人啫，下下要扯開肚皮真係好大壓力。」

文：影視組

攝：黃叔榮

場地：禮REI＠IFC

髮型：ii hair&nail