諸葛紫岐有餡自己唔知

諸葛紫岐昨日肚凸凸出席水晶品牌Swarovski記者會活動，由於早前諸葛突然在活動上默認已與Neway太子薛家麟註冊，種種迹象均令人覺得她疑似「有餡」，她面對記者追訪是否有喜時，不但沒有否認，更支吾以對謂：「應該冇啩？係件衫有少少緊，我身材好咗。」記者問她是否未夠三個月「未講得住」？她再尷尬謂：「連我自己都唔知！」再追問她有否做安全措施？諸葛即求饒謂：「唔知點答，真係滴汗呀！係都出年擺完酒先計劃。」言談間默認與薛家麟已踏入不設防階段。

新婚愉快愛巢舒服

至於向來與陳法拉水火不容的諸葛，被追問早前法拉暗寸她「晒幸福晒到燶」的看法時，即氣定神閒澄清是「錫到燶」，更以自己戀情「透明度」高暗寸法拉戀事閃縮：「媽咪、朋友、主席（薛家麟暱稱）都好錫我，畀好多正能量我，我由拍拖到下年擺酒都好透明。」

古天樂細心欣賞為品牌示範的手錶。	眾人戴上立體眼鏡觀賞3D短片。	諸葛紫岐在受訪時立即披上披肩，十分錫身。

當記者提議她與法拉分享正能量，諸葛竟寸爆謂：「都好呀！」之後即繼續晒幸福指新婚生活愉快，她說：「屋企係自己設計，住得好舒服。（法拉要租屋，你得寵啲？）絕冇咁事，我完全唔知，同佢好少見。」她又指一定會請法拉飲喜酒。

古天樂欠無綫劇債

另外，同場的古天樂則表示不會替其他電視台拍劇，但強調並非誓死效忠無綫：「我仲欠無綫一個劇，睇幾時要拍埋佢，我唔拍其他電視台嘅劇係因為我唔可以每日花咁長時間拍劇。」古仔又指現時腳傷已痊愈七、八成。

文：影視組