坊間流傳不少o靚模曾經整樣又整胸，完全大改造，希望變靚增加上位機會。
入行後做嚟做去都係model仔，A模為求成名，豁出去大晒D級身材打寫真戰。雖然上圍有睇頭，但塊面同上圍一樣脹爆。為整走包包面，她不惜打瘦面針再整尖下巴，令樣子更甜美吸引宅男。
原本「四方面」的B模雖然外形一般，但做兼職模特兒時勝在勤力肯做，儲到錢整容。她花錢削面、整間尺鼻同尖下巴。雖然模界知她整容，龍友又將她舊照「公告天下」，但她面皮夠厚，強調減肥成功變得更索，最後連歲數都報細。
C模情場上曾受打擊，與明星仔拍拖時驚爆出與另一o靚模分享同一男友。經歷情傷後令她更大膽更堅強，仲走去試整容新產品，隆鼻又削尖面，事業運未算突出，但甜樣成功冧仔，情場得意。
本身是混血兒的D本來省鏡，可惜工作量不多，眼見胸大有市場，把心一橫去隆胸由B Cup身材升至C Cup。由於她不介意着比堅尼開工，工作即時大增。可惜隆胸後效果太圓太硬，令人睇得出是後天加工。