愛狗之人傅明憲昨日出席世界動物日活動，甫見記者即大吐苦水：「我新養嗰隻狗仔FiFi最近咬爛咗我張電腦記憶卡，裏面有我儲咗一年嘅相，當中包括幾隻過咗身嘅狗仔臨終前幾個月嘅相，依家只可以透過微博或者facebook搵番部分嘅相。」話雖如此，但她並沒有責罰小狗，只怪自己太久沒飼養小狗，忘了牠們的破壞力。
此外，提到近日有報道指前東華主席梁定宇有意追求她？更指她拒絕對方兼爆樽？她聽罷即笑說：「絕對冇啲咁嘅事，我覺得傳聞好好笑，我連自己嘅狗仔都唔打，點會爆樽呢！」
