爆E超蓮當眾拋胸晒咖喱雞
有「爆E超蓮」之稱的鍾采羲（Iris）、戴夢夢及未婚夫陳定邦（圓圖），昨日到荃灣出席內衣店COLORFUL新店開幕。席間，擁有E cup「導彈」的Iris示範內衣，又將薄紗裙除下，吸引不少男途人在店外起哄。
被問到為何胸前驚現疑似「咖喱雞」的紅印？Iris尷尬地說：「敏感啫，可能呢排天氣涼，成日着高領衫。（酬勞？）好可觀，都有五位數字。」但她大呻被圍觀感尷尬：「好彩有玻璃隔住安全啲！」至於性感尺度？Iris坦言「敏感部位」需要好好保護：「一定要有布遮住。（若隱若現呢？）唔得，咁即係冇嘢遮住啦！總之敏感部位係唔可以睇到。」
夢夢明年擺酒
至於榮升老闆娘的夢夢，興奮地表示公司發展不俗，將於年底開設第三間加盟店。問到身家有否暴漲？她說：「唔覺喎！好彩自己冇買股票，儲埋啲錢搞生意，但屋企人就坐晒艇。」問到是否未婚夫腳頭好？定邦搶閘說：「佢旺我啫！」並透露將於明年年底擺酒，夢夢聞言即大呻對方尚未求婚，並笑說：「我以為佢會趁今日跪喺度求婚添！」
文：影視組