Samantha撩甄子丹隻揪

o靚模Phoebe身材火辣加上開放敢言，成功在今年的寫真戰中殺出重圍，她又不時與死敵Jeana互相咬住唔放，可見Phoebe夠晒好勝。其新出道師妹Samantha（顧詠詩）在師姐的薰陶下，一樣有不認輸的性格，外形野性的她為上位直言冇底線！

擇偶首要志趣相投

對前途信心十足的Samantha希望進軍影壇，雖然不介意行性感路線，但暫時不考慮拍三級片，反而最想演武打片及英雄片，即使打到周身傷亦不介意，更希望跟偶像甄子丹結片緣。

身材火辣的Samantha坦言性感無底線，但不考慮拍三級片。

Samantha（左）頻頻與師姐Phoebe（中）及Cassie出席活動，為入行做足準備。

Samantha說：「我幾乎睇晒子丹所有電影，最鍾意係《葉問》系列，希望可以同子丹對打或者拍住上殺敵，反而唔想做畀佢救嘅花瓶。」她大讚子丹的肌肉非常吸引，加上對妻子及子女照顧有加，是她心目中的理想老公。談到擇偶條件，現時單身的Samantha覺得最重要思想能溝通及志趣相投，並接受到她的性感形象，外形反是次要。

個性深閨最愛睇戲

外表活潑好動的Samantha原來個性深閨，平日喜歡上網及睇戲，鍾情恐怖片的她表示會約一班朋友「組團」入戲院，不過就未試過孤男寡女入場：「我其實係又驚又要睇，驚起上嚟可能會打隔籬個人，所以費事嚇親個男仔啦！」

27歲童心未泯

單憑外表可能看不出，原來Samantha已經廿七歲。她自認出道較遲，但無損決心：「最緊要係心態同樣貌都唔似，好過有啲o靚模話就話廿二歲，個樣就似卅歲吖！依家啲fans鍾意人坦白，相信佢哋唔會介意，而且我相信有人鍾意我呢type！」童心未泯的她愛看卡通片，揀衫心得亦甚有少女味，喜歡顏色繽紛及有Pattern圖案的衣物。

Profile

姓名：顧詠詩

洋名：Samantha

年齡：27歲

身高：1米66

三圍：32C、22、33

文：立影

攝：吳文聰 泳裝：Roxy 場地：Sky Club