DaDa拖李雨陽舔雪糕

早前二人被發現結伴往澳門睇騷，事後男方「忽然失憶」，不過熱戀中的男女一日不見如隔三秋，本月2日再次出動，相約好友包括港男許家傑及o靚模鄧伊玲等同遊主題樂園玩鬼屋，提早慶祝萬聖節。

眾人起初為怕被途人認出，齊齊戴上面具入場，不過百密一疏仍被途人「拆穿」索簽名，期間更有人大膽要求與二人合照，令雨陽及DaDa大感為難。眼見「事敗」，他們最終脫去面具盡情耍樂，此時雨陽愈見膽大，在暗角處伸手搭着女友香肩，將對方擁入懷，又不時十指緊扣，戀人關係不言而喻！

一對小情人坐在一旁休息，DaDa大歎雪糕。

戴眼罩的李雨陽輕攬DaDa入懷。

死撐唔認

記者事後致電雨陽，當得悉拍下拖手照後他大感愕然，但仍死撐：「又話影到？真定假呀？（拖手添喎？）邊有呀？嗰度氣氛好恐怖，見鬼咋！天黑黑，做男仔嘅梗係要保護女仔啦，冇嘢嘅。」

至於陳靜回應說：「大家係朋友，都係呢排先一齊玩，咁短時間就畀人傳完再影埋相，我會小心啲嘞，唔希望有下一次囉。（咁係咪拍拖？）朋友嚟啫，（但影到你哋拖手喎？）嗰度黑佢扶一扶我啫。」

文：影視組