黃宇詩排音樂劇多感觸
黃宇詩昨為音樂劇《大家樂》出席記者會，由於父親黃霑三十多年前為電影《大家樂》作編導，故宇詩坦言今次為《大》演出特別感觸：「當年自己仲未出世，仲喺媽媽個肚裏，而哥哥就擔任電影內小演員，媽媽亦有數分鐘戲o架，計起上嚟其實全家都有份參與！」《大》音樂劇正式公演時，問可會邀請母親前來欣賞？宇詩稱當然會，那之前跟她行超巿的有婦之夫又可會前來欣賞？
她說：「唔會嘞！唔敢聯絡，我好忙，（之前都話有發展機會？）呢一刻好肯定話冇發展機會。」而十一月與無綫約滿的她，目前正與公司傾談續約事，但宇詩坦言想轉換環境，問她會否到now做主持，她說：「唔排除有呢個可能性。」
