葉家寶踩無綫出口術挖角
亞視昨日舉行《亞洲電視自製節目源源不絕》記招，宣布陳啟泰、朱慧珊、甄詠珊等已簽約成為旗下藝人。提到無綫近日爆發藝員被挖角潮，高級副總裁葉家寶說：「聽聞無綫近期立立亂，有好多藝人不滿。我哋好歡迎任何藝人以任何形式同我哋合作。我哋有人性嘅關懷、寬鬆嘅自由度，唔會綁手綁腳，亦唔會簽咗啲人返嚟唔用，又唔畀人用喺度燒銀紙，我哋會因才而用嘅。」
問到有甚麼心水藝人？葉家寶說：「馬浚偉好似唔係好開心，嚟到亞視會好開心o架！李克勤都好似係自由身啦。」問到會否效法無綫向員工發電郵提醒離職後面對的問題？他說：「傳聞都未知有幾多個免費電視台牌照，有啲已經虛張聲勢。」
另外，亞視宣布十五個自製節目，投資額近一億，藉此否認亞視財困。陳啟泰坦言不覺亞視資金出問題：「傳過好多次，但都過到關。」朱慧珊亦不覺亞視財困，只是整個大環境都不好。