杏兒詩韻爭仔互扯跌落水
昨晨天氣明顯轉涼，無綫藝人胡杏兒和李詩韻卻被安排到深井為新劇《玩樂無窮》拍攝落水戲，兩女未埋位已凍到要披外套取暖，及至落水前均大嗌：「好驚呀！等受死！」
劇中兩女在高科技網站幫助下調換身份，繼而出現懷疑爭佬事件。杏兒與詩韻在泳池邊互相拉扯，先是穿五吋高踭鞋的杏兒被詩韻推落水，水花四濺下，杏兒即大嗌：「撼親！」懷疑膝頭撞向池底。幸好專業的她自稱無事繼續拍攝，並捉實岸邊的詩韻，硬生生拖其下水。詩韻明顯難抵冷凍，下水後牙關不停打震，但仍擺出多個甫士讓記者拍照。
杏兒疑心重
杏兒坦言自己天生比較敏感，與劇中角色一樣疑心重。她說：「有乜都逃唔過我法眼。（黃宗澤有冇試過呀？）唔知點答喎！有你哋幫手都好啲嘅。（佢好多桃花？）冇問呀，可能太多。」
另外，杏兒昨日亦到了機場禁區，為明年無綫重頭劇《衝上雲霄Ⅱ》拍節目巡禮。不過坐在傷殘輪椅的杏兒要林峯推着，相信其角色會有新進展。