祖兒網顧性感透Bra贈興
容祖兒日前推出的新專輯叫好又叫座，短短十日已達雙白金銷量，昨日她以魚網背心透黑Bra出席祝捷會，性感又有型。祖兒坦言很久未試過有此佳績，並感動得眼紅紅說：「好激動！」
祖兒為配合本月中開拍的電影《DIVA》，特別染了一頭金髮出席新碟祝捷會，吸引半百傳媒及各大電台高層到場。祖兒獲英皇集團行政總裁吳雨送上巨型結他Pick，寓意日後可自彈自唱及作曲。由於新專輯衝破三萬張銷量，祖兒更獲香港唱片商會主席江國平頒發雙白金，以示鼓勵。
想要假期
穿上魚網衫的祖兒透露因擔心大碟反應而困擾多個月，她說：「依家可以放下心頭大石！好耐冇破過咁嘅紀錄，好感動同激動。雖然面對非法下載，但今次回響力好大，係我入行最滿意嘅一張碟，依家要加印平裝版。」早前放了一個長假的祖兒即食住個勢要求公司明年放她假期：「我知道人係需要放假清洗腦筋，如果唔係今次唔會有咁好反應。」
唔吼老外
祖兒坦言有意到西班牙旅行，記者即笑謂可叫梁詠琪介紹西班牙籍男士給她，但祖兒耍手擰頭說：「隨緣啦！我未必適合老外。（富二代呢？）更加不可迷！對感情唔太認真，因出世乜都有，唔識珍惜。」有億萬小富婆之稱的祖兒坦言沒有受近日恒指急跌影響：「媽咪都係買樓保值，唔係炒樓。（有十幾億身家？）價格可升可跌。」
文：音樂組