嘉玲再入圍女配角：功勞歸姜文

金像影后劉嘉玲憑英皇電影《讓子彈飛》入圍「最佳女配角」，此乃繼今年「亞洲電影大獎」後再度獲這項提名，嘉玲對此大表高興：「功勞係屬於姜文，要恭喜佢，仲有就係多謝對手葛優。」而嘉玲今次對手有惠英紅的《倩女幽魂》、蔣雯麗的《最愛》及唐群的《到阜陽六百里》。另外，錢嘉樂獲記者告之入圍金馬獎「最佳動作設計」後，開心說：「一直無人通知我，多謝你講個好消息畀我聽！睇番入圍名單（有甄子丹、林廸安），好多都係同我差唔多時候入行嘅好朋友、好兄弟，邊個攞都開心。」錢嘉樂直言希望承接成龍、洪金寶拍出香港特色動作電影的精神，屆時亦定必會到台灣出席盛會。