姚予晴租住爛屋四圍撲水
港姐冠軍朱晨麗和名模姚予晴、松岡李那及Alice B.等為又一城舉辦的「梵高‧秋色‧時裝展」行騷。面對一眾名模，朱晨麗毫無懼色：「佢哋係專業模特兒，我係香港小姐，唔可以比較。（向佢哋偷師？）綵排時有睇佢哋行，但我有自己風格，唔一定要個個行到一樣。」
另外，姚予晴透露日前家中爆水管兼撞正打風，48小時冇水用。「我要借朋友屋企沖涼，又要買支裝水飲，冇水仲慘過冇電。我仲舀咗40幾桶水，爆水管令所有地板盡毀。」她笑言當初貪平租了間爛屋住：「間屋有18年樓齡，初時見裝修幾靚，但原來虛有其表，三年間爆咗兩次水管，入面已經體無完膚，我諗住下年年頭搬。希望到時樓價平啲，可以買樓做業主。（你咁講唔怕包租婆趕你走？）我同佢續約冇耐，佢趕我走仲好呀！」
