周麗淇巴黎血拼乜都買
【劉慰思巴黎直擊】周麗淇現身巴黎，出席MMM 2012春夏時裝騷，除吸引亞洲傳媒外，還接受外國傳媒訪問，她表示首次來巴黎睇騷，逗留三日為雜誌影相，亦有血拼購物：「衫褲鞋襪乜都買，起初以為巴黎好凍，帶晒大褸嚟，點知咁熱，唔買唔得；今次主要嚟睇騷，好開心可以先睹為快睇新衫，我好鍾意時裝，將來都想推出個人品牌。」
問到挖角潮？她坦言與TVB仍有合約，她說：「佢係我香港嗰邊management，大家合作形式唔受年限，我對TVB有感情，挖角呢個問題對我冇影響，我鍾意依家合作形式，始終我香港有唱片公司，中國都有management公司，今年主力喺內地發展，而TVB係我香港首選。」