李澤楷約混血靚女飯局
李澤楷前晚八時許偕一名身形高挑的混血靚女在中環荷李活道一間酒店食飯，因被傳媒發現，李澤楷於不久先行步出，記者上前拍照時，他亦全程笑容滿臉上車離開。當李澤楷走後約半小時，名媛葉梁美蘭與日本籍模特兒女友人突然到達，二話不說進入酒店內，未幾，她們左右護駕地與剛才跟李澤楷晚膳的混血靚女離去，再一同乘七人車走人，最後該車直駛往舊山頂道曉峰閣。
昨日記者致電葉梁美蘭，她在電話中直認與李澤楷食飯的混血靚女是其姪女：「佢係中、澳混血兒，從事律政界工作，但叫咩名就唔講喇！佢尋晚因為公事想問吓李澤楷意見，所以先約出嚟食飯，（點解你突然出現？）姪女見到咁多記者嚇親，知道我喺附近打電話向我求救。（佢同李澤楷點識？）本身我同李澤楷係朋友，之前姪女同我同老公去一個business meeting，介紹咗佢哋認識，不過，我可以好肯定佢哋一定唔係拍拖，如果係都唔會去嗰度畀記者撞到。」
