周秀娜打造32D外星人
在電視電影世界裏，角色千奇百怪，所有現實中未能嘗到的滋味，都能在水銀燈下活現出來。高海寧及「動漫Maggie」李曼筠就異口同聲表示想做精神病患者角色，認為夠挑戰性之餘，亦可讓人反思。「公主」諸葛紫岐就破格想反串演男裝；而身材32D的性感女神周秀娜笑言想演外星人。嘩！性感外星人，聽落已噱頭十足！
Acupuncture ROCK爆朗豪坊
周秀娜
「想飾演外星人，因為就快2012世界末日啦，哈哈，講笑。其實我想做啲楚楚可憐嘅角色，因為我畀人嘅感覺太硬淨啦。」
陳嘉桓
「我最想飾演飛機師，覺得好有型，細細個睇電視劇《衝上雲霄》時，已經好迷吳鎮宇演嘅Sam哥，而且我之前扮過空姐，今次想試吓做機師。」
Marc by Marc Jacobs時裝活動
高海寧
「我想做精神病患者，因為覺得好高難度、好有挑戰性！而且自己一向大癲大肺，一時好文靜，一時係咁笑，符合到角色之餘，又可放縱自己。」
林夏薇
「我想扮演海盜，因為覺得海盜有一份堅持，唔怕辛苦，點都可以撐落去嘅精神！我覺得自己都有呢個性格，好似我第一次拍劇，要講廣東話，我就不停讀報紙及搵人傾偈。」
apm牙籤、鉛筆雕刻潮藝展
李曼筠
「我想演精神病患者，因為我覺得所有人都有精神病，只係大家抑制住。每個人都有壓力，睇吓有幾多，我希望做呢個角色，畀大家反思自己嘅心理狀況。」
鄺敏慧
「我想試吓做臥底！細細個已想做警察，覺得臥底背負好多責任，要喺黑、白兩道走，真係好有挑戰性！同埋我好想試吓拍打鬥場面，我一定唔會錫身。」
EDWIN開幕禮
蔡穎恩
「我想做落難公主角色，睇日劇成日都有呢啲情節，到時就會有白馬王子出現！而且做呢個角色會有好多情緒變化，經歷咗好多嘢之後就變得善解人意。」
諸葛紫岐
「我想女扮男裝！因為自己性格男仔頭，可以做到好有霸氣，我會努力觀察男仔行路嘅形態，扮粗魯啲。」
Alice B.
「我鍾意帶歡樂畀人，想做搞笑音樂劇，而且我對跳舞好有興趣，到時可以寓工作於娛樂，因為細個已學體操同芭蕾舞，依家大個咗就去club跳舞。」