唐素琪轉型老闆娘飲得杯落
前歌手唐素琪（Sukie）今年7月斥資6位數，接手一間特色飲品店，搖身一變成為老闆娘，Sukie坦言對店舖充滿信心，她說：「其實間舖原先係同學仔嘅，喺兩個月前我就接咗手，雖然接手只係兩個月，但收支平衡仲有得賺，當然仲未回本啦。（風險好大？）我好有信心，覺得有得做，依家物色緊喺香港區開分店，不過租金太貴喇，講真如果真係蝕到損手爛腳，至少都贏咗經驗。」
Sukie承認做老闆娘開心過當歌手：「做歌手好被動，所有安排都係靠唱片公司，自己只能夠做好每個工作，依家唔同，所有嘢都好主動，搵人手、諗新產品，滿足感大好多同有挑戰。」Sukie透露不時會到舖頭「拉客」，她說：「會幫手招呼客人同收錢，我好主動o架，有人行過都會同佢Say Hello。」計仔多多的Sukie表示不會在員工面前擺款，她說：「大家最緊要相處融洽，我不時都同佢哋一齊研究新嘢。」
問到是否不再唱歌及拍戲？Sukie有所保留說：「如果有導演覺得角色啱我，我都會接，我一直都抱開放態度，我仲係好掛住台上唱歌。」
親製鎮店之寶
Kami TEAPRESSO位於尖沙咀加連威老道某商場，店舖面積雖僅200呎，但飲品有近30種口味選擇，大部分飲品名源自日文，雖然飲品價錢昂貴，但材料全由外國入口，包括日本及意大利，連老闆娘Sukie亦讚道：「全部都係靚嘢！」Sukie當日親自炮製鎮店之寶「宇治金時卡樂冰」，她先將綠茶粉開水，再倒入冰杯，最後加上忌廉、紅豆及自製的綠茶蒟蒻。
採訪：音樂組 髮型：Davy@Salon Square