何超雲忽冷忽熱冧爆山聰
前晚賭王何鴻燊三太千金何超雲偕同化妝師好友Annie G. Chan出席護膚品活動，同場還有模特兒Jocelyn、郭偉亮及葉佩雯。問到超雲何以不見男友陳山聰蹤影時，超雲淡然的說：「唔知喎！你要問番佢點解唔嚟。（你哋成日一齊食飯同埋出席活動嘛！）食飯還食飯，出活動還出活動，今日嚟唔係關於佢。」
早前透露暫停學業幫母親打理生意的超雲，表示現在學習做生意，至於是哪類生意，超雲說：「唔講得住，遲啲會同大家講，我係幫媽咪手，依家跟佢學緊同埋跟佢開會，我都想做個生意人，哈！」
向來熱愛時裝並已有自家時裝店的超雲，有意做一些非時裝的生意：「想搵吓其他興趣，睇吓自己適合邊類型，希望有新嘗試。」
山聰晒愛心蛋糕
活動上超雲不欲多提男友，其實私底下依然甜蜜煙韌，活動後即昨日凌晨接近四時，陳山聰於微博上載一張和拿破崙蛋糕的合照，並附上心形符號的留言：「相識至今，妳用了很多心機做了很多美味的蛋糕給我吃，使我覺得很幸福！但今天這一個是最窩心、最感動的！thx。」
文：名人組