林保怡瓣瓣掂分拆上市
自由身的林保怡在視圈挖角潮頓變搶手貨，自爆在港除無綫及王維基力邀加盟外，尚有其他單位向他招手，加上內地各方開出優厚條件，難怪他可以「歎慢板」，細心考慮才決定「花落誰家」，更有意歌影視簽不同公司發展。
保怡前晚偕同薛家燕及麥長青等，出席電視劇《九江十二坊》的飯局。他透露早前忙於在內地工作，故不能抽空參與宣傳，問到日前與無綫高層樂易玲飲茶一事，保怡表示：「都係傾吓拍《金枝慾孽2》嘅細節啫，不過我仲未答應，有時啲嘢唔係講錢，誠意最緊要。呢個地球係圓嘅，或者2013年我會返去呢。」
歌影視三線發展
他又指內地有很多經理人公司也對他有興趣，分別斟他拍劇、拍電影，甚至出唱片，日後或許將各方面的發展路向，拆開簽約給個別公司負責。記者笑指他值天價，保怡即謂：「我一向都合理價嘅，講乜都冇用，最實際係要有實力。（拖得太耐冇人要喎。）我唔擔心，總之簽約都要講緣分同實力。（仲嬲緊上次你攞亞洲視帝，遭TVB冷落？）冇嬲，當時TVB都有做緊啲嘢嘅。」
家燕呻冇斟續約
薛家燕則笑指保怡乃當紅炸子雞，有時間陪高層，卻未有參與宣傳，所以急call對方回港，與《九》劇台前幕後飯聚補數。她打趣自己有幫手叫保怡續約：「佢仲話返嚟拍劇，要同我合作，樂小姐淨係冇斟我囉。」麥長青坦承挖角潮前的兩、三個月，自己已動筆續約無綫三年，故笑言叫記者提醒公司，記得將他的薪酬作合理調整呢。
文：影視組