莊思敏人造震撼V殺Ana R.

未知是否沒有男友睇實，莊思敏甩拖後愈來愈性感，她前晚與徐靖雯、楊汀叮、陳嘉容、Ana R.出席護膚品活動時，以一襲黑色Deep V長裙成功凸圍，現場所見，莊思敏無懼走點危險，一對「人造胸」搖搖欲墜，可謂一步一驚心。

問是否因為單身，所以性感無極限？她說：「唔關事，最緊要靚，女仔要喺有本錢嘅時候，花多啲心機去打扮，要keep住最好狀態。」真空上陣的她坦言為防走光，每步都行得好小心，她說：「盡量小啲動作，因為我皮膚敏感，所以唔可以黐太多膠紙。」談到被拍得與叢培崑行街，她說：「我哋識咗好多年，一直都有聯絡，我覺得自單身後，所有男性朋友同我出街都好慘，因為一定話佢哋追我，好無辜。」

幾位女模出席品牌活動，爭妍鬥麗一番。	楊汀叮代師姐否認感情有變。	徐靖雯低胸上陣，卻不及莊思敏震撼。

徐靖雯祝福嘉穎

徐靖雯雖然悉心打扮低胸上陣，仍不及莊思敏震撼，問會否介意行性感？她說：「這樣性感可以接受，因為我做模特兒嘛，可是我仍未穿過比堅尼拍照呢！」有傳舊愛鄭嘉穎在大陸發展升價十倍，她說：「我們一開始也不是情侶，只是好朋友，他發展好，會祝福他。」而作為Angelababy師妹的楊汀叮，對於有傳Baby與黃曉明感情出現問題，她說：「吓？佢哋一直都係好朋友！」

文：專案組