祖兒搵好老公不假外求

容祖兒、Twins、林峯、BOYZ、陳偉霆、鍾舒漫及泳兒等英皇歌手昨日出席澳門舉行的音樂會，fit爆的祖兒以Deep V勁歌熱舞，曾以「好朋友」來形容波罅的她再次向澳門觀眾「打招呼」，提到莫文蔚及郭羨妮昨日齊披嫁衣，祖兒說：「全部都係嫁老外同老內（指內地人），香港男仔要好好反省，我都希望嫁個香港好男人。」

阿Sa拒再閃婚

問到如覓得如意郎君會否閃婚？祖兒說：「閃婚係一時衝動，結婚唔係一個人嘅衝動，不過我都係衝動嘅人。」而蔡卓妍對於被指因與陳偉霆聚少離多令感情亮紅燈，阿Sa澄清說：「唔係，依家好穩定。（閃婚？）未必，慢慢嚟。（上次係閃婚？）算係，吸取過經驗，會放慢少少。」受訪期間，剛巧William上台表演，阿Sa即緊張望實後台直播的電視機，並甜絲絲說：「緣分就係咁，要嚟就嚟。」

祖兒與舞蹈員有火辣演出。	林峯工作為重，緣分到亦唔抗拒。	阿Sa（左）與阿嬌穿性感舞衣獻唱。

林峯讚外甥Chok

另外，穿上西裝的林峯開心報喜表示剛榮升舅父，他說：「細妹生咗個男B。（似唔似你？）出世幾日，不過都OK Chok。」他笑指父母有孫湊不會再催他結婚，亦透露父母曾安排他相睇，可惜他臨時甩底，對於郭羨妮及莫文蔚昨日出嫁，林峯說：「恭喜晒，我就有排喇。（閃婚？）呢啲係緣分唔抗拒。」