馬賽第一次獻林峯：好驚

向來形象乖乖女的馬賽，在劇集《不速之約》中飾演一名只愛Shopping兼冇大志的港女，她說：「角色游走喺兩個家庭之間，好似『潤滑劑』！」不過，她強調角色與真實不相符，皆因她是個有規劃及有目標的「大女人」。

咀嘴有難度

談到感情戲，「純過蒸餾水」的馬賽透露，螢幕初吻已獻給「魔鬼」林峯，務求以愛阻止魔鬼加害其兄（歐陽震華飾），她說：「雖然係蜻蜓點水，但第一次拍咀戲真係好驚，之前喺《女王辦公室》同吳卓羲只係錫面，好彩一take過！」她又笑言作為專業演員「話嚟就嚟」，絕不尷尬：「不過阿峯好高，我咁細粒咀佢有難度。」但卻因太緊張而忘記對方是否好咀。

早前馬賽頂多輕吻吳卓羲。	林峯與馬賽的高度差距大，咀得甚有難度。	馬賽視Bobby為偶像，二人合作趣事一籮籮。

Bobby噴飯

此外，身為「電視兒童」的馬賽，最難忘與偶像歐陽震華（Bobby）合作，她說：「我成日睇佢做戲，連阿爸都笑我話『有乜咁好睇』？」談到Bobby經常「爆肚」，她即憶及拍攝趣事：「有次拍食飯戲，我自己扮門鐘啲『叮咚』聲，笑到Bobby哥噴飯，所以佢哋之後見親我就嗌『叮咚』！」問到頻頻拍劇會否恨攞獎，她謙稱自己是新人，不敢奢望獲獎，只望大家看見其進步。

文：影視組

服裝：Magin Group