曹永廉執到好籌唔諗跳槽
最近無綫藝人掀被挖角潮，實力派演員曹永廉坦言幾個月前已有人聯絡他，但未肯透露是否「電訊魔童」王維基即將開辦的免費台，阿廉說：「邊個唔好講嘞，但我唔介意交多個朋友，好想知道自己喺別人心目中咩價值。（唔怕無綫小器？）我又唔係簽，我同TVB嘅合約仲有一段時間，所以唔會咁快考慮。」他希望電視行業百花齊放，台前同幕後都多點機會，令電視質素提升。
阿廉的工作檔期排得密麻麻，除接演《東西宮略》外，下月初還會頂替關禮傑演出《怒火街頭2》，他開心的說：「《怒》劇個頭開得好靚，我都算執到好籌，已自己度好角色點演，但唔想講太多，希望到時帶到新鮮感畀大家。」