劉倩婷讚好男人擺明受溝

現年25歲的前港姐冠軍劉倩婷（Sandy）跟堪輿學家李丞責因為拍攝《香港玄案》而變得熟落，她坦承二人合作愉快：「佢對個個都好好，我始終係新人，佢會教我好多嘢，拍外景時佢都有教我風水。」

對感情認真

近來他們頻頻成為封面人物，Sandy反而因此多了機會跟李丞責溝通、相處：「佢好關心啲新聞有冇影響到我，好照顧我，我發覺佢係好男人，對不實報道處理得好好，如果佢追求就會考慮！」

劉倩婷早前被拍得夜奔李丞責寓所。（資料圖片）	劉倩婷大讚李丞責是好男人，不排除發展的可能。	劉倩婷望以高貴又型格的造型亮相台慶。

李丞責早前公開讚Sandy有「三好」：好女仔、好朋友、好同事，Sandy多謝對方讚賞，但直言感情需要時間培養：「姻緣要夾過先知，我對感情好認真，自己都單身咗一段時間，想搵個真心真意對自己嘅人，如果發展到某一個適合階段，應該會同大家分享。」

愛情似有着落的她，今年事業運亦不錯，以主持、拍劇雙線發展，年底更會首次以「非港姐」身份出席台慶，期望《香港玄案》可獲獎項，但她卻為揀戰衣感到非常頭痛，希望到時可以既高貴又型格的造型示人。

文：專案組

攝影：劉智源

服裝、場地：Harvey Nichols

化妝：Frances Ho

髮型：Calvin Tsoi@Hair