草蜢保腹肌年年28腰

草蜢近年十分積極，每年都在紅館開騷，穩踞第一跳舞組合之位，今年蔡一傑更在紅館半裸着短打激凸，自誇擁有「神鵰」，成為一時佳話。

年賺千萬

有傳草蜢年賺千萬，蔡一智說：「有就好喇！（你哋做節目啲衫全部自資，套套10萬8萬！）件衫幾錢唔重要，最緊要我哋着得型！」有一身完美巨胸、六舊腹肌的傑仔接着自豪地說：「衫係死嘅，最緊要個人承得件衫好睇，有型，人仲值錢！」

傑仔對自己的完美身形感到驕傲。	蘇志威唔戒口一樣保持fit爆身形。	做運動是蔡一智最大的娛樂。

傑仔續說：「我哋咁多年腰圍都係28至29吋，咁多年來冇變過，（點keep？）做運動，跑步、行山、做gym，一星期做4、5日！」阿智更表示做運動就是他的娛樂，與家人行山亦是很好的親子活動。

開騷戒口

提到有否注意飲食？又fit又靚仔的傑仔說：「啲零食，好似蝦片、薯片、糖，我全部戒晒！」身形一向偏瘦的阿智說：「呢啲嘢我全部都食，不過食少啲。」而擁有標準body的蘇志威則笑笑口說：「我就唔會戒口嘅，最緊要開心！做演唱會前先戒。」

撰文：王羽飛

攝影：鄭家俊

場地：拉斐特婚禮統籌