陳庭欣攀岩扮飛虎衰收尾
港姐陳庭欣曾與高海寧及楊秀惠等先後出埠拍攝美食節目，早前她就「擔大旗」獨自到馬來西亞的霹靂州拍攝以她的名字命名的旅遊節目《庭遊馬拉》，並初嘗瀑布攀岩，卻於着地時跣倒「衰收尾」。
在馬來西亞到處玩樂的陳庭欣（Toby）透露是次旅程非常難忘，除了得到個生日驚喜外，還獻出她多個「第一次」，印象深刻。談到玩樂，Toby首推激流和攀岩，她表示：「兩樣我都係第一次玩，其實玩之前都好驚o架！」她表示攀岩是個從瀑布頂游繩到底的玩意，她說：「我一去到就見到個勁大嘅瀑布，初初都唔驚o架，係去到上面先發現原來好高，同埋好跣腳，不過我覺得落嚟個feel好似飛虎隊。」
甚有運動細胞的她很快就掌握到竅門，可是着地後卻因一時鬆懈而滑倒，非常搞笑。而激流就最講求合作精神，Toby更笑言像玩過山車般：「玩嘅時候好有離心力，同埋水流真係好快，所以好刺激。」
歎河粉芽菜雞
主持過美食節目的Toby當然趁機於當地搜羅美食，除了當地著名的肉骨茶外，Toby表示霹靂州中的怡保美食亦令她食到津津有味，她雀躍地說：「當地最出名係河粉，嗰度同香港嘅係唔同o架喎，嗰度啲河粉係爽啲幼啲同埋透明啲，好似扁身版嘅瀨粉咁，同埋可能因為佢薄身啲吸咗啲湯底，食落去真係正好多。」芽菜雞亦是當地名菜，本身愛吃芽菜的她興奮地說：「可能當地水質靚，種出嚟嘅芽菜咬落去好多水，真係好好味！」
文：影視組