陳自瑤晒三點式唔益男友

王浩信靜靜籌備婚宴，打算給女友陳自瑤（Yoyo）一個驚喜，不過浩信現時正忙於為劇集《換樂無窮》開工，故Yoyo趁有時間，忍心賣甩男友，相約三五知己齊齊到泰國華欣旅行，面對陽光、美景，更穿三點式泳衣留倩影。

陳自瑤撇低男友到泰國享受陽光與海灘。	陳自瑤穿露背花裙，坐在露台對住大海拍照，很有詩意。	自言愛拍照的陳自瑤，此行捕捉了不少靚鏡頭。

影靚相要求高

Yoyo今次的四日三夜之旅，吃好的住好的，問為何不預埋男友王浩信，她說：「我哋兩個好難先可以就到時間去旅行，等來等去大家都唔使去，其實之前本來都同佢去峇里玩，但去到機場卻發覺原來我本護照有問題，上唔到機，認真黑仔。（咁浩信有冇怨你呀？）咁又冇，佢都知道我唔開心。」

Yoyo此行都帶了很多靚衫去影相，問泳裝照是誰人操刀時，她坦言：「朋友囉！（男性朋友？）女仔嚟o架！不過都有男仔一齊去，（浩信唔擔心咩？）唔擔心，嗰個係我一個女性朋友嘅老公，大家都一齊去玩，其實我好鍾意陽光、海灘，之後都想去馬爾代夫呢！」

Yoyo坦言自己很喜歡影相，不論人、景或生活上的細節，她都喜歡用相機拍下來，至於男友則只喜歡影景，甚少影她。問有機會會否要求王浩信為她拍一輯靚靚的泳裝照時，她笑言：「我要求好高o架喎！唔知佢嘅技術得唔得呢！」

文：影視組