施明血壓飆高 李泳漢退選照料
原本於今個星期報名參選區議會的李泳漢，因為母親施明上周在家突然感到不適，雙眼疑似爆微絲血管；泳漢第一時間陪母親看醫生，醫生表示施明血壓高達200，假若不妥善照料，會有失明及中風的風險。由於事態嚴重，泳漢幾經掙扎決定退選，全力於非常時期照顧母親！
談到退選心情，泳漢無奈謂：「雖然覺得對唔住戰友，但阿媽一世人得一個，參選嘅嘢今屆唔得咪下一屆囉。呢排細佬忙拍劇，我冇可能喺咁危險嘅時候揼低阿媽唔理。」問到施明現時情況？泳漢表示血壓暫已受到控制：「我主要睇住佢食嘢同幫佢量血壓，另外要幫佢處理一啲法律上嘅嘢，因為之前仲有官司未完，媽咪仲有好多嘢煩。」泳漢又指這幾天一有空便陪媽咪傾心事及逗她開心，以免她因心情欠佳失眠。