破格早年幾傾續約 阿蘇:受寵若驚

蘇玉華及阿姐級的黃淑儀(GiGi姐)昨擔任烹飪比賽頒獎嘉賓,談到近日王維基掀起的挖角潮,問她有否收到王維基的電話?她笑說:「反而好奇怪收到無綫嘅電話,話想傾續約,但我仲有年幾合約,真係史無前例,有啲受寵若驚!都係因為呢個風雨飄搖嘅日子,否則唔會咁緊張,都係一件好事,證明我有用、有實力。」阿蘇又認為公司應給予合理酬勞,以行動證明員工是公司重視的資產。至於她會否留低?阿蘇坦言上次在無綫加薪幅度不錯,但跟外邊比較沒得比。自覺有能力有條件的她揚言不怕向外闖,故合作非向錢看,而是看雙方的合作機緣。

GiGi姐亦稱未收過挖角短訊:「唔搵我呢啲老嘢啦!不過我覺得漁翁撒網式嘅短訊太『行貨』。」GiGi姐透露目前算是自由身,但相對拍劇她揚言較有興趣做烹飪節目。