黃凱芹911陰影坐機唔敢瞓

歌手黃凱芹（Chris）早前隨加拿大世界宣明會到廣西探訪，今次是以導演為電視特輯拍攝，首次執導的他說：「最唔慣大家叫我『黃導』，都唔知畀咩反應。」今次他採取半實況電影的手法來拍攝，跟嘉賓歌手林志美及當地的小孩做對手戲。起行當日Chris選搭的航班正值911周年日凌晨，他說：「全程眼光光唔敢瞓，不停諗如果機上受到恐襲咁點，大家好似驚弓之鳥，事事都好嚴謹，聽到小聲音都即刻四圍望。」他形容成個飛行旅程都充滿緊張氣氛，幸最後都安全降落。