Iris寸周秀娜捽碟未夠班
o靚模打碟成為熱潮，紛紛穿上性感裝束殺入夜店搵銀，「爆E超蓮」Iris和「混血E神」Monna兩個月前正式拜師學藝，齊齊下苦功勤練打碟。Iris直言自己技巧日漸成熟，信心十足表示要做個專業ＤＪ，不會視周秀娜為目標，因為對方成績未夠班。
做個專業ＤＪ
Iris說：「我冇睇過周秀娜表演，但聽好多朋友評論過。每個人都有自己風格，但我好有信心超越佢，我要接受挑戰做個專業ＤＪ，唔係好似其他o靚模着到好性感咁去扮吓嘢，周秀娜係個好叻嘅model，佢有好多嘢值得我學習，但唔包括打碟。」
Monna澳洲演出
同門的Monna在內地表演多場打碟後大受歡迎，最近更獲邀前往澳洲演出，一雪被Jeana公開嘲笑未能接外國騷之恥，Monna直言：「唔好睇小我，我真材實料兼戰鬥力好強，反而擔心有啲人嘅身材會頂唔到強勁音樂而爆煲。」至於有o靚模打碟被非禮，Monna相信事件不會發生在自己身上，雖然自己身材性感，但作風絕不豪放，不會引人非禮。
文：影視組