顏卓靈認約祖名開餐
年僅17歲的「相機女郎」顏卓靈外形與薛凱琪相似，早前有傳被「龍之子」房祖名力追，她承認對方曾約她食飯，但最後因夾不到時間而不了了之，亦只當對方是哥哥。
影壇女新人顏卓靈（Cherry）有「齙牙薛凱琪」之稱，外形當然與薛凱琪（Fiona）酷似，就連Fiona緋聞男友房祖名亦被她「迷倒」。早前有傳祖名力追Cherry，不過Cherry卻否認，只說二人因合作拍戲才認識，雖然對方曾約她食飯，但最終因時間問題未能成行，之後亦沒有聯絡。
問到對祖名的感覺，Cherry大讚親切冇架子，而且唱歌動聽，但聊的話題都只是跟音樂有關。她又指祖名曾指她不但樣貌，就連聲音亦跟薛凱琪相似，但她自覺較像湯唯。再問她會否有發展機會時，她只說當對方是哥哥，絕冇過電！
揀男友要睇feel
年底才滿18歲的Cherry思想成熟，不像一般少女對婚姻充滿憧憬：「一張紙證明唔到啲咩，有愛就夠！（父母點諗？）當然想我嫁得出啦！但只要我開心就得！」外形甜美的她不乏追求者，但暫時無意拍拖，提到擇偶條件，她希望男友夠細心及醒目，最好還有一技之長同懂得氹她開心。不過她指最緊要都係睇感覺，講太多條件到最後都未必係咁。
文、攝：立影
場地：The iCon Education