個子嬌小玲瓏的樂壇女新人喬樂頤（小Q），最近除忙為處女EP錄音外，更要苦練彈鋼琴，她說：「因為我有首歌叫《Hea》，分開心版同傷心版，監製要求我喺傷心版自彈自唱，我本身有學過琴，但就學得麻麻，所以監製依家教我彈，公司亦都有逼我，不過原來邊彈邊唱同邊流露情感係咁難。」至於錄音時會否想起傷心事？「都有，諗吓唔開心嘅嘢，又要彈得入戲真係好辛苦。」
今年新人獎競爭激烈，小Q亦會角逐，問到信心如何？她謙稱：「又未諗過，其實有份參與已經好開心，同埋今年可以出碟，我已經當係贏咗。」
