狄易達為包成狂鯨吞3熱狗
歌手狄易達為「包」着迷，早前自告奮勇打上電台分享「食包論」，更變身為食大使帶聽眾尋找最愛食店，當場表演鯨吞三隻熱狗，食量驚人。
狄易達剛升級為自駕一族，考得車牌的他，經常揸車四處兜風，而收音機對於駕駛一族來說絕對是最佳夥伴，早前達仔更膽粗粗打上電台分享「食包論」，適逢節目《有冇搞錯》四周年，主持彭詠儀（Morle）、黃冠斌及蒙為亮就趁機邀請達仔擔任「為食大使」，由他帶隊率領聽眾「覓食」，達仔說：「我真係打上去節目o架，絕對唔係造馬o架，自己好鍾意食包，特別係熱狗，最高紀錄可以一次食三隻，所以一聽到佢哋研究食包，忍唔住一定要打上去講！」
硬啃「混醬」
原以為達仔會帶眾人捐窿捐罅搵食，誰知其推介的「熱店」正正位於演唱會舉行的場地九展，到達後即被喝倒采，達仔解釋說：「就係因為佢係咁當眼，但平日可能大家匆匆忙忙根本就留意唔到，唔介紹畀大家又點知呢？」由於該食店最出名的是熱狗，為「教訓」達仔，主持人罰他硬啃「混醬」熱狗，被罰後達仔還擺出「津津有味」模樣說：「啲醬混埋一齊個味道係好古怪，但未至於好難食，但最難頂係佢哋落得勁多，我似『飲醬』多過食熱狗。」
採訪：陳寶