何紫綸為慈善真空影寫真
入行多年的名模何紫綸（Ann），將推出性感相集為癌症病人籌款，雖然真空上陣卻堅持不是賣弄身材，玩的是高檔性感，拒絕跟露毛的o靚模相提並論。
當o靚模爭相飛外地影寫真時，Ann卻堅持玩本土製作：「我好堅持喺香港搵靚景，就算衫都唔係一般大品牌，而係搵年輕設計師，支持本地製作，其實呢本相集似fashion icon，我唔想畀人感覺似寫真賣弄性感，呢本相集係冇比堅尼，但係有大膽演出，想畀人見到Ann做呢啲嘢係咁靚咁型。」
清場拍攝
Ann續說：「我一直都想有呢啲性感演出，成件事好藝術，大膽程度係真空上陣，開頭都有用乳貼，又將nude bra剪到好細，但影相冇咁好睇，好唔自然，所以最後除埋嚟影，起初都有少少尷尬，因為合作夥伴全部男人，我又好怕醜，後來攝影師清場，我就好自然，影到好靚。」
上身全裸的Ann，利用手腳遮掩重要部位，一切向藝術出發：「當然唔係前面對住攝影師，只係影到側邊，想人多啲幻想空間，好多外國攝影師、雜誌都係咁樣，所以我堅持性感都要高檔啲，好過坦蕩蕩露毛，呢啲唔係真係叫靚囉。好多人問我點解唔書展搞？係咪驚身材唔好？其實癌症基金搵我係唔想書展出，焦點去晒o靚模，第二日冇人記得好嘥氣。」
緊張到喊
Ann坦言對這本相集好緊張，由於對自己要求太高，籌備過程中還哭了多次：「我唔衰得，今次好似成績表咁，畀自己一個見證。」Ann還堅持將收益捐癌病基金：「因為家人曾患癌，自己好想用新時代女性身份，呼籲大家要注意健康。」
服裝：Hugo Boss
採訪：音樂組
攝影：唐豁莊
場地：太子酒店
髮型：Herman@Chin G.