盧凱彤擬攻影壇性感唔拘
創作歌手盧凱彤（Rockmui）到台灣發展被稱為「結他女神」，憑一支結他隻身走遍台灣演出，但原來她對拍電影也很有興趣，更不介意作性感演出！
盧凱彤長期在境外發展，以結他手身份跟陳奕迅等巨星到英、美、加等地登台，現在更以個人身份推出大碟《掀起》。Rockmui整個人生好像都圍繞着音樂，問她除了音樂外，可有其他目標？她說：「想拍電影，做演員，（有冇人搵你？）之前有，不過一係角色唔啱，一係就開唔成，不過我好有耐性，出道十年先出個人大碟都畀我等到。（想做咩角色？）冇所謂。」
難與陳綺貞比較
問Rockmui假如有好角色，但要性感演出，她可會接受？她說：「可以，呢個唔會係障礙，除非太過分。」她笑言也不會有人找她演很過分的性感角色。
談過電影，話題仍是回到音樂，與台灣歌手盧廣仲結為「靈魂伴侶」的Rockmui坦言陳綺貞是她音樂上的偶像：「其實唔想同佢相提並論，不過我哋的確有啲似，但係佢歌詞入面嘅細膩感覺係我未做到嘅，內容亦唔及佢。我嘅音樂暫時集中喺作曲、編曲，同音樂性方面。」
台灣搞音樂搵食
Rockmui認為在台灣搞音樂能夠找到生計：「以前at17時代，好少Band，我哋試過長期冇碟出，搞到屋企人好擔心，不過依家Rock壇風氣好咗，香港多咗好多Band，（有冇諗過自己整一隊？）有，不過因為同（at17前拍檔）林二汶默契太好，所以好難搵到好拍檔。」
文：高橋康
攝：劉智源