Rika苦練拋樽調酒冧仔

近期o靚模界掀起打碟潮，不過新八模成員Rika卻選擇走去學調酒，並參加內地的調酒比賽，直言好玩又刺激，她說︰「之前對調酒認識唔多，但見到人調酒覺得好型，所以咪去學囉。」Rika參加內地的調酒比賽真人騷《烈焰門徒》，事前更特地找外國著名調酒師學藝，她說︰「為咗呢個比賽，我特登返去加拿大學四個月，仲學埋點樣拋樽添！」

Rika表示玩調酒花式，經常被樽撞到周身瘀。	Rika捨棄跟同門o靚模去打碟，反而學調酒參加比賽。	放大圖片

計劃投資開酒吧

Rika笑言喜歡發明新飲品，經常在飲品中加上一些特別的元素給朋友品嘗，問到會否用這招冧男仔？她說︰「會呀，我覺得咁樣係追到同吸引到男仔嘅。」雖然學到一技旁身，但Rika暫未有計劃做夜店客席調酒師，反而想過老闆癮，她說︰「要駐場的話暫時未有計劃，我依家想喺模特兒呢行發展先，努力做呢行同搵銀，搵多啲錢去開屬於自己嘅酒吧。」

此外，提到同門不少姊妹經常四出打碟搵銀，問Rika會否有興趣與她們開私竇搞派對？她說︰「如果有機會嘅話，我都好想，仲會叫DJ女盟嘅Chrissie、Jeana同Hidy等人打碟，我就去調酒，得閒玩番晚都唔錯。」

攝︰吳文聰

場地︰Shake Shake

文︰專案組