模特兒諸葛紫岐前日出席咖啡活動，同場還有蔡穎恩、陳嘉寶等人。諸葛甫見記者即傷心地透露：「我隻狗仔難產，兩隻狗BB都死咗。工人見到隻狗生BB，BB只係出咗半個頭佢就拉佢出去，之後仲要放低隻狗冇理佢。後來第二個工人見到咁，即刻帶隻狗去睇醫生，開刀拎另一隻BB出嚟，但最後兩隻狗BB都冇咗，狗媽媽又發緊燒。我好唔開心同好嬲，個工人冇理由咁做，佢話會引咎辭職。其實工人當時應該打電話畀我或者搵幫手囉！（男友有冇安撫你？）有，佢都好傷心。」
